Irakaskuntza-Funtzioan ikasitakoa

Lauhileko hontan irakaskuntzari buruz ikasi ditudan gauzak asko izan dira. Nahiz eta ikasgai guztiek zerbait erakutsi didaten, eragile nagusia ikasgai hau izan da. Hilabete hauek pasa eta gero, eta autoebaluazio hau egiten nabilen bitartean, konturatu nahiz Irakaskuntza Funtzioan etorkizunerako oso baliagarriak izango zaizkidan ideiak barneratu ditudala. Esan beharra daukat ikagai hau gogorrena izan dela, lan asko eskatu didalako eta inoiz ikutu ditudan gaietara murgildu didalako.

Juan Abasolok bidalitako lehenengo zeregina talde bat sortzea izan zen. Hasiera batean ez nituen taldekideak topatu, baina gelako beste pertsona batzuek nire egoera berdinean zeudela ohartaraztean, beraiengana jo nuen eta taldea sortzea erabaki genuen. Hasiera batean lau ginen taldean, Xabi, Jokin, Iñigo eta nik. Geroago, Iñigok taldea utzi zuen, gure lana handiagotuz. Arazoen gainetik indarrez jarraitzea eta lan egitea erabaki genuen. Azkenean, egindako lanen emaitza honez aparte, oso erlazio ona sortu da hiruron artean. Hurrengo pausoa Blog bat sortzea izan zen. Hau ez zitzaigun oso zaila egin, baina honek dakarren lana bai. Bloga, astero hezkuntzaren inguruan zerikusia duten albisteei buruz bi sarrera egiteko sortu genuen, beste zenbait gauzen artean. Sarrera hauek, hezkuntzaren inguruan interesa pizteko eta idazten trebatzeko lagundu didate.

Ondoren, egin genuen hurrengo lana "La educación prohibida" filmea ikustea izan zen, eta bertan, gaur egungo hezkuntza sistema nolakoa den ikusi genuen, hauen ahuleziak ezagutuz. Pelikula honi esker metodologia alternatiboak ikusi geituen, eta ondoren egindako Irakasle onaren lanerako oso baliagarria izan dela iruditu zait.

Beste alde batetik, Pigmalion efektua ezagutu genuen. Bertatik, hezkuntzan irakaslearen papera oso garrantzitsua eta ezinbestekoa dela ikasi nuen. Ikasleen aurrean nola jokatu behar den, eta zer ez den egin behar izan dira testu honetatik ateratako beste konklusio batzuk. Espektatiba onak izan behar ditu irakasleak ikasleengan, hauek inkontzienteki transmititzen direlako, eta ikasleentzat oso lagungarriak direlako. Gainera, irakasle miresgarriari eginiko elkarrizketan, honekin zerikusia duten beste gauza asko ikasi nituen. Beraien artean zeintzuk izan behar diren irakaslearen ezaugarriak (Positiboa, eskuzabala, pazientziaduna...), irakaslearen funtzioa zein den eta nolakoa den hezkuntzan aritzea. Honek irakasle baten ideia orokorra zein den jakiteko lagundu dit.

Jarraian egin genuen hurrengo ariketa, interesgarria zitzaigun gai batean sakontzea izan zen, aurrerago aurkezpen bat egiteko nahian. Irakastaldeak, hau da, nire taldeak, hartutako gaia Bullying-a izan zen. Honetan sakondu eta gero, poster bat prestatu genuen eta talde txikietan gainerako gelakideei azaldu genien egindakoa. Hau egin eta gero, beste taldeen gaiak entzun nituen, hauen inguruan ez nekien gauzak ikasiz. Aipatutako lanen artean, autoestima, elkarlana edo adimen emozionala zeuden, beste batzuen artean. Aurkezpenak amaitutakoan, eta aurretik egindako errubrika baten laguntzarekin, gure irizpideak kontuan hartuz klaseko ikaskideak ebaluatu genituen. Hau oso lan interesgarria iruditu zait, irakasle baten funtzio nagusietariko bat egiten ikasi genuelako, zuzentzen edo ebaluatzen.

Amaitzen joateko, ikasgai honetan egindako azken lanen artean tutoretzak izan ziren. Tutoretza hauek bi motatakoak izan ziren, banakakoa edo taldekoa. Guri taldekoa egokitu zitzaigun, eta bertan irakasle baten paperean sartu behar izan nintzen, tutore naizen klase bateko ikasleen gurasoei kurtsoko lehen bilera prestatuz. Horretarako, interneten bilatu eta informazio nahikoa bildu eta gero, tutoretza plangintza bat egin genuen. Bertan, bileran esan beharrekoa ipini genuen, hala nola orientaziorako baliagarria den informazioa edota irakasle baten betebeharrak zeintzuk diren. Azken finean bileran esan behar genuenaren gidoia egin genuen. Hau amaitu eta gero, bilerarekin hasi nintzen. Niri irakaslearen papera egokitu zitzaidan, eta esan beharra daukat oso gustura egon nintzela, aurretik nahiko ondo prestatu genuelako. Beste alde batetik, beste ikaskideen bileretara joan behar izan ginen, baina guraso moduan, galderak prestatuz. Beraz, honekin, role-playing deiturikoa lortu genuen, paper ezberdinetan jartzea alegia. Azkenean, grabazioa ikusi eta gero, taldean bateratuta, bileran zer hobetu beharra idatzi genuen.

Hortaz, honekin guztia uste dut argi utzi dudala asko ikasi dudala ikasgai honetan. Hala eta guztiz ere, lehen esan dudan moduan, lan asko eskatu didan ikasgaia izan da, izan ere lanak eguneratuta eraman behar direlako eta ikasgaiari buruz beti zerbait egin behar izan dudalako. Ikusten ez diren gauzak ere erakutsi dizkit, adibidez jendearekin erlazionatzen edo talde lanetan hobeto konpontzen. Orokorrean oso gustura egin dudan ikasgaia izan da hau.

IRAKASLE FUNTZIOAN IKASITAKO GUZTIA

Make your own mind maps with Mindomo.

Orain arte egindako lanak berrirakurtzen, gauza askotaz konturatu naiz. Hasteko, uste nuen baino gusturago irakurri ditut, izan ere, idatziak egin nituenean ez nintzen oso gustura geratu egindakoarekin, baina orain irakurri ahala ikusi dut esandako gauzak ez daudela hain gaizki eta transmititu nahi nuen mezua ulertu egiten dela.

Irakasle funtzioko irakasgaian gogor aritu naizela esan beharra daukat. Irakasgai honetan teknologi berriak asko erabili ditugu eta hau nire puntu ahula da. Bigarren astean Blog bat sortu behar izan genuen gelako talde guztiek, bloga sortzeko orduan ez genuen arazo handirik izan, egia da nire taldeko Xabier Perez oso abila dela asunto hauetan. Behin bloga sortuta genuela, astean zehar taldeko bik bloga eguneratu behar genuen, eguneraketa hauek hezkuntza sistemari buruzkoak izan behar ziren, hau da, gai honi buruz internetetik hartutako  hainbat argazki, artikulu, edota bideoekin sarrera bat sortu behar zen bloga astero eguneratzeko. Blog honi esker nire etorkizuneko lanari buruz berri asko eskuratu ditut.

Hirugarren astean "La Educacion Prohibida" ikusi nuenean eskola perfektua zela iruditu zitzaidan, horrekin lotuta dagoen bakarkako lana "Irakasle Ona" zer den azaltzea zen. Horretarako lehenik eta behin, gure ikasketa prozesuan izandako maisu maistra miresgarri bat topatu behar genuen, niretzat Xabin Arriola izan da maisu miresgarria eta kasualitatez, Gorka Arejolaleibarentzat ere. Behin irakaslea aukeratuta, berarekin elkarrizketa bat izan genuen, horretarako bion artean galdera batzuk prestatu genituen eta berarengana abiatu ginen galdera horiei erantzun egoki bat bilatzeko asmoz. Elkarrizketa momentuan asko ikasten nengoelako susmoa neukan, gauza interesgarriak kontatu zizkigulako, egia da ere lehendik gai honi buruz interneteko hainbat artikulu irakurrita eraman nituela.

Lan hau egiteko izan dugun metodologia oso interesgarria iruditu zait eta eredu bezala hartuko dut etorkizuneko beste lan batzutarako. Lanari hasiera emateko banaka haritu gara, norberak bilatu du bere irakasle ideala eta norberak planteatu du zer galdetu emaitza onak izateko. Behin erantzunak izanda taldearekin komunean jartzerakoan lortu nuen informazioa askoz aberatsagoa izan zen eta jada, prest geunden testuari hasiera emateko.

Egin dudan beste antzerako lan bat "Irakaskuntza Irakaslearen Begietatik" izan da, lan hau egiterako orduan nik izandako irakasle esperientzian oinarritu naiz. Lan hau idatzi baino lehenago asko erreflexionatu nuen gai honi buruz, berriz azpimarratu beharra daukat lan hau egiteko nire esperientzian eta nire ustetan oinarritu nintzela. Lan honek lau urte barru nire burua nola sentituko den imajinatzen lagundu zidan, paperean guztiz sartu nintzelako. Behar bada idatzitakoa ez da guztiz egia, baina irakasle ofiziala ez naizenez ez dakit berdin ikusiko den irakaskuntza irakasle baten begietatik, hala ere, nire ustetan nahiko ondo adierazi nuela uste dut.

Aipatu dudan lanetan, bakarka aritu naiz eta orokorrean asko ikasi dudanaren sentsazioa daukat, baina uste dut talde lanetatik gehiago ikasi dudala. Gure lan taldeari dagokionez pozik nagoela esan behar dut, lana egiteko metodo ona daukagu eta (google drive hain zuzen ere). Lanak burutzean ez dugu arazorik izan, ondo funtzionatzen dugun talde bat gara. Nire ustez lana nahiko orekatua dago, hau da, denok lan berdintsua egiten dugu. Kalifikazioei erreparatuz nahiko pozik nago, kontuan hartu behar da taldean hiru kide garela lau kide izan beharrean, taldean bat gutxiago izateak lan pilaketa handiagoa suposatzen du, hala ere, dena aurrera ondo atera dugu.

Irakasle funtzio irakasgaiari buruz, lauhilabeteko ikasgai gogorrenetarikoa izan dela iruditu zait baina egia da probetxu edo irakasle munduan zerikusirik gehien duen ikasgaia dela. Ikasgai honetan irakasle sentitu naiz momentu askotan eta horrek etorkizunean irakasle izateko motibatu nau. Irakaslea nintzela gehien sentiarazi nauen momentua, gurasoekin bilera presatu behar genuenean izan zen. Lan hori pozik burutu nuenez asko ikasi nuen gurasoen batzarrei buruz. Lan hori egiteko interneteko web orri batetik hartu genuen informazioa eta ondoren moldaketa txiki batzuk eginez gure eran jarri genuen emaitza txukuna lortuz.

KURTSOAN ZEHAR IKASITAKOA + MAPA KONTZEPTUALA

Ikasturtea hasi zenean, guztiok geneukan ideia bat buruan eraikita irakasle izatea zer denari buruz, eta zeintzuk ziren irakaslearen zereginak. Orain, lehenengo lauhilabetea bukatzen ari dela, konturatzen nahiz hasieran nuen ideia hori oso ahula zela, eta ikasgai honen bidez, eta besteen bidez asko ikasi dudala irakasle lanbideari buruz, hori era nahiko ezberdinen bidez lortu egin du gure irakaslea.

Hasteko, irakasgai honetarako lan gehienak taldeka egin behar zirela jakitean talde bat sortu behar izan genuen bat-batean, eta nire ustez talde nahiko ona bildu ginen, hala ere, taldeko batek, Iñigo, utzi egin zigun, eta erabat botata utzi zigun, batez ere geroago lanak banatzerako orduan. Hori kenduta, nire ustez oso ondo moldatu egin gara taldea Jon, Jokin eta hirurok, eta erlazio oso ona daukagu orain, asko lagundu gara gure artean, bakoitzaren ahultasunak besteek indartuz, adibidez Jokini laguntzen teknologien kontuekin... Beraz, esan dezaket pozik nagoela izandako taldearekin, eta uste dudala talde honetan aritzea oso erabilgarria izan dela taldean lan egiten ikasteko.

Jarraitzeko, blog honen kontua aipatu behar dut, astero bi sarrera idatzi behar genituen, salbuespen batzuekin noizean behin, eta hiru bakarrik garenez taldean astero hirutako batek ez zuela idatzi behar erabaki genuen. Bestalde, blogeko helburua hezkuntzarekin erlazionatutako gure interesak eta kezkak idaztea zen, nahiz eta batzuetan kosta zait barneratzea nik jarri beharreko konponbidea idaztea, uste dut honek balio izan zaidala hezkuntzaren gaiei buruz pentsatzeko eta hausnartzeko, azken finean, nire barnea mugiarazteko eta interesa pizteko.

Geroago egin beharreko lan garrantzitsu bat irakasle miresgarri bati egin beharreko elkarrizketa zen. Lan honekin asko ikasi nuen, Alberto, nire irakasle ohia, esan zidanagatik. Ikasi nuen irakasle bezala lan nagusiena ez dela edukiak irakastea, baizik eta balore batzuk garatzea, eta baita ikasle "txarrekin" nola lan egin. Gainera, ikasi nuen irakasleek ikasleekin duten erlazioa, erlazio onak izatea, tresna nagusiena dela bai arazoak konpontzeko, bai hauei etekina ateratzeko. Azkenik, gehien gustatu zitzaidana izan zen lan honek duen politena, hau da ikasle ohiekin sortzen zen erlazio on horiek, azkenean honekin geratzen zarelako kurtsoa bukatzerakoan. Azken finean, lan honek balio egin zait irakasle lanbidearen alde onak ezagutzeko adibide praktiko batetik.

Bestetik ikusi egin genuen pigmalion efektuaren kontzeptua, honen bidez, ikasi egin dut irakasleek duten ahalmen oso garrantzitsu bat, bere ikasleetaz etekin handia ateratzeko gaitasuna. Irakaslea ikasleen eredu dela, eta berak lortzen badu haiek gai direla pentsatzea gai izango direla. Beraz, irakaslea efektu hau lortzeko tresnak bilatu behar dituela ere ikasi nuen, efektu ona lortu ahal duelako, baina baita kontrako efektua ere, horregatik oso garrantzitsua da irakasleek bere lana arduraz egitea.

Jarraitzeko, beste lan garrantzitsu batekin hasi behar izan genuen, guri kezkatzen zigun gai bat aukeratzea, gero horri buruz informatzeko. Aukeratutako gaia Bullyinga izan zen, niri beti interesatu egin zait gai hau, uste dudalako askotan ez dela irtenbide azkarra aurkitzen, eta hurbiletik tokatu zait familian, edo lagunetan. Beraz, lan honekin jarri ginen, honekin ikasi dudana da protokolo bat dagoela arazoa konpontzeko, eta irakasleen arteko elkarlana ezinbestekoa dela arazo larri hauek konpontzeko. Honekin lotuta, beste taldeekin egin genuen mintegi bat bakoitza bere gaia azaltzeko, mintegi honetan asko ikasi nuen beste gaiei buruz, adimen emozionala, elkarlana, nik agian planteatzen ez nituen gaiak zirela, edo teknologiaren gaia. Gai honekin asko ikasi nuen, eta batez ere, burua ireki behar dudala beste gai batzuetaz ikasteko. Gainera, lan honekin egin beharreko zeregina ebaluazioa izan zen, hau da ikaskideei nota jartzea, beraz ikasi egin dut irizpideak sortzen, eta irizpide horien arabera notak jartzen.

Jarraian hasi ginen tutoretza gaiarekin, hau niri gehien kezkatzen zidan gaietako bat zen, uste dudalako inoiz ez egin duguna dela ikasleen gurasoekin era formal batean hitz egitea. Lan honetan prestatu behar genuen gidoi bat gurasoekin bilera bat simulatzeko rol-playingaren bidez, beraz lan honen bidez hainbat gauza ikasi ditut. Alde batetik, bilera bat prestatzen, eta horretan garatuko diren gaiak prestatzen, baita gidoia prestatzen. Bestetik, ikasleen gurasoen paperean jartzera, eta hauei sortarazi ahal zaizkien galderak egitera, baita irakaslearekin nola elkar-erlazionatu. azkenik, nahiz eta nik irakaslearen rola ez hartu, ikustea zuzenean nola erlazionatu gurasoekin, baita hauekin nola tratatu behar dugun.

Azkenik, urteko azken lana hau izan da, birpasatzea kurtso osoan zehar ikasitakoa, eta hausnartzea. Lan hau eginaz konturatu nahiz egindako lanen bidez asko ikasi dudala, eta irakasle lana zein denari buruzko nire buruan eraikita nuen ideia asko ireki eta zabaldu dela irakasgai honi esker. Esan beharra dago ere, agian irakasgai hau gogorrena izan dela besteekin konparatuz, eguneroko lana eskatzen duelako, eta baita lanak egitea egun batetik bestera, hala ere, uste dut esfortzua merezi egin duela ikasitako guztiagatik.

Eskola txikiak

Gaurkoan gure hezkuntza sisteman finkatzen ari den metodo bati buruz idatziko dut, Eskola txikiak. Gaur egun ez zaio garrantzia handia ematen, nahiz eta urte asko daraman martxan (1987), eta oso jende gutxi daki bere existentziaz. Eskola txikiak, herri txikietan dauden eskolak dira. Bertan, herriko ume guztiak eskolarizatuta daude eta adin ezberdinetako taldeetan biltzen dira. Haur Hezkuntza eta Lehen Hezkuntza batera ematen dute, oso gela gutxi baitaude. Sustatzen diren ezaugarrien artean, elkarreragina edota kooperazioa daude.

Metodo hau, gaur eguneko eskola modernoa ere deitua, oso ondo dagoela uste dut. Izan ere, ikasle bakoitza beste ikasleetatik ikasteko aukera du, eta batzuetan berak baino gehiago dakienekin egongo da klasea eta besteetan gutxiago dakienekin, elkarlagunduz. Gainera, hezkuntza eredu honi esker, herri txikietan eskolak zabaldu daitezke. Haur Hezkuntzan eta Lehen Hezkuntzan ezinezkoa izango litzatekeen klase asko izan ordez, oso gela gutxi daude eta hortaz herriko haurrak herrian bertan ikasteko aukera dute.

Teknologia Berriak

Egungo gizartean teknologiak duen garrantzia eta protagonismoa gero eta handiagoa da, eta bizitzako esparru guztietan dago presente, gainera, azken urteotan smartphone, tablet, portatilen erabilera era izugarri batean handitu egin da, eta gizarteko adin guztietako pertsonak erabiltzen dute teknologiak.

Pertsona horien artean umeak daude, hauek ia jaiotzen diren momentutik hasten dira teknologiekin erlazionatzen hala nola gurasoen mugikorrekin jolasten, argazkiak ikusten, eta abar, eta harrigarria da askotan ikustea nola 3 urteko ume batek smartphone bat erabiltzen duen 20 urteko gazte bat bezala ia ia.

Beraz, hau ikusita argi dago tabletak, arbel elektronikoak, portatilak, eta horrelako aparatuak eskoletan ezartzea beharrezkoa dela, gizartearen eboluzioak eskatzen duelako, eta oso erabilgarria izan daitekeelako bai ikasleen interesetarako, bai ikasleentzako.

Horregatik, hezkuntza erakundeek hori bultzatu behar dutela uste dut, eta baita irakasleek bere parte jarri hori ahalbideratzeko. Hori egiteko irakasleek hainbat gauza egin ahal lukete, adibidez teknologia berriak hezkuntzan nola inplementatzeko kurtsoetara joan, eta kurtsoak sortu, ikasgai bakoitzean zer eta nola erabiltzen ikasteko.

Gainera, uste dut era honetan ezagutzen elkar-eman bat emango zela, aurretik esan dudan bezala umeek txikitatik dakitelako teknologiak erabiltzen, eta irakasleei erakutsi ahal dietelako haien ezagupenak ere.

Bestalde, uste dut gai honen inguruan irakasleek beste bi zeregin dituztela, alde batetik, teknologiekin hazi ez diren irakasle zeharrei irakastea nola erabili teknologiak, hau agian zailena izan daiteke, irakasle lana era batean egin duen batentzat aldaketa bortitz bat suposatu ahal duelako; eta bestetik irakasleek parte hartu, edo elkarlanean ibili teknologiak garatzen dituztenekin, edo teknologia horietarako hezkuntzarako bideratuak diren aplikazioak garatzeko laguntza eta ideiak emanez, argi dagoelako inork ez dakiela hobeto hezkuntzan behar dena irakasle bat bezala.

Azkenik, uste dut teknologiaren erabilera ez dela bigarren hezkuntzara mugatu behar, eta urteak pasa ahala era progresibo batean hezkuntzako maila guztietan ezarri behar dela, bai unibertsitatean, bai  bigarren hezkuntzan, bai lehen hezkuntzan, eta zergatik ez, lehen hezkuntzan ere.

Hemen uzten dut bideo interesgarri bat teknologia berri bati buruz, agian hurrengo urteetan erabilgarria izan daitekeena zergatik ez hezkuntzan.