BULLYINGA HEZKUNTZAN DUEN ERAGINA IKASLEENGAN:
Bullyinga jasaten duen ume batek duen jarrera eskola inguruan honakoa da, etxetik irtetzerakoan eskolara joateko edo eskolatik etxera joateko ibilbide ilogikoak egiten ditu inorrekin topo ez egiteko, behin eskolan dagoela oso nabarmenezko arazoak ditu, adibidez gelan edo patioan bera bakarrik egotea nahi du, nahiago du bera bakarrik egotea beste gelakideekin batera baino. Beti gelatik irtetzen azkena da eta aldiz gelara sartzeko lehena, posible badu beti nagusi baten ondoan egongo da eta eraso egiten dioten pertsonengandik ahalik eta urrutien. Eskolara joateak sufrimendu bat bezala da berarentzat, horregaitik eskolara ez joateko aitzaki asko jartzen ditu eta aitzaki minimo batekin ez da klasera joango.
Eskola errendimenduari dagokionez, ikasteko interesa galtzen du, hau da, berarentzat klasera joatea oso desmotibantea da, horregaitik ez du arreta jartzen, gelan adi egon beharrean ea norbaitek zerbait negatiboa egiten dion beldurrez dago eta horregaitik bere eskola-errendimendua behera egiten du kontzentrazio eza gaitik.
BULLYINGA HEZKUNTZAN DUEN ERAGINA IRAKASLEENGAN:
Bullyinga eskolan eman daitezkeen egoera, edo arazo larrienetariko bat dela argi dago, eta baita bullyinga ematen ari den detektatzea. Bullyinga mota ezberdinetakoa izan daiteke, eta maila ezberdinetan gauzatu ahal da baita ere, baita, beste zailtasun bat bullyinga zer den, eta zer ez den bereiztea da, umeen arteko gatazkak eta bullyingaren arteko muga oso txikia izan daitekeelako askotan. Guzti honetaz arduratu behar direnak irakasleak dira, adi egon behar direla bullyinga ekiditeko, edo arazoa konpontzeko.
Beraz, honen inguruan irakasleek hainbat lan egin behar dituzte.
Lehenik, irakasleek argi eta garbi jakin behar dute bullyinga zer den, ze mota dauden, eta mugak non dauden, bestela ezinezkoa litzatekeelako arazoa ikustea, eta konpontzea.
Alde batetik, gaiari buruz hitz egitea, ikasleei informatzea honi buruz, hauek kontziente izateko honen larritasunaz, eta era honetan konturatzeko mugak non dauden, eta era berean horietako gauzaren bat egiten badute konturatzeko egiten ari dela, agian ez direlako konturatzen egiten ari direnaz.
Bestetik, klasean, edo atsedenaldietan behaketa egin behar dute irakasleek, bullyinga ematen ari den ikusteo, eta baietz den kasuan, planteatu behar du lehenik ze mailan ematen ari den; baita honetaz ziurtarazteko beste irakasleekin kontsultatu behar du, jakiteko bera bakarrik ikusi ahal duen, edo besteek ere zerbait susmatu al duten, eta horrela ez bada, hauei jakinarazteko. Oso garrantzitsua delako, irakasle guztiak arlo honetan elkarrekin lan egitea.
Konfirmatu denean bullyinga ematen ari dela, ikastetxeko zuzendariari, edo zuzendari taldeari komunikatu egin behar zaio, hauek era formal batean martxan jartzeko honen inguruan eman behar den protokoloa.
Azkenik, irakasleak biktimari ikustarazi egin behar diote berarekin daudela, arazoaz jabetu direla, eta konponbidea jarriko zaiola, baita erasotzaileak ondorioak izango dituztela ikustea, erasotua era honetan bakarrik es sentitzeko eta ondorioz beste eragin larriak ez agertzeko.
BULLYINGA HEZKUNTZAN DUEN ERAGINA ERAKUNDEENGAN:
Arazo hau hezkuntzaren alorrean ematen da batik bat, eta gaur egun gero eta garrantzia handiagoa ematen diote klasekide batzuek beste ikaskide batzuei eginiko tratu txarrak. Arazo hau konpontzeko bidean, erakunde asko jarri dira martxan. Erakunde hauen helburu nagusia umeei edo ikasleei Bullying-ari buruz informatzea da, arazo honen ondorioak azalduz, ikasleak hau ez egiteko kontzientziatzeko.
Lehen aipaturiko erakundeak, hezkuntzaren inguruan zeukaten programa aldatu beharra izan dute, lehen beste gauzetarako inbertitzen zuten dirua Bullying-aren aurkako hitzaldietan gastatzen dutelako. Gainera, badira ere erakunde hauek jasten dituzten beste gastu batzuk Bullying-arekin zerikusia dutenak. Izan ere, horietako askok laguntza eskeintzen diete arazo hau jasaten dituzten familiei, psikologo ezberdinen izenak emanez edoto laguntza ekonomikoak eskeintzen. Horretarako sortu ziren erakunde asko, laguntza eskeintzeko. Gobernuko diru kantitate bat mota honetako erakundeetara bidaltzen da eta diru kantitate horrekin banaketa egiten da.
Beste alde batetik, salaketen bitartekari nagusi moduan jokatzen dute erakunde ezberdinak. Irakasleen edo familia baten deia jaso bezain pronto laguntza eskeintzen dute eta erasotzaileen familiarekin kontaktuan jartzen dira beraien gurasoei pasatzen dena kontatzeko.
Azkenik, lehen esan dudan moduan, erakunde guztiak pertsona pare bat dituzte ikastetxeetatik hitzaldiak ematen dituztenak. Askotan, txarla hauei esker Bullying kasu berriak salatzen dira, eta beste batzuetan, ekiditu. Hitzaldi hauei esker ume asko ohartzen dira klaseko kide bati gaizki tratatzea ez dela jokabide egokiena, eta horren ondorioz jarrera aldatzen dute. Gainera, etorkizunean arazo larriagoak izan daitezkeen batzuk ekiditzen dituzte. Ondorioz, esan daiteke erakundeen papera arazo honen aurrean beharrezkoa dela, konponbidea bilatzeko irtenbide bakarrenetarikoak direlako.
ITURRI GARRANTZITSU ETA ESANGURATSUAK:
